前輩一路好走🙏🙏🙏永遠懷念🩷🩷🩷
資深綠葉江圖心臟問題離世 服務亞視30年《叔．叔》演技耀眼
資深藝人江圖今晨離世，享年89歲。田啟文向傳媒證實 江圖 今晨因心臟病辭世。
江圖 原名蔡志祥，1936 年出生於粵劇世家，母親為曾與任劍輝同台嘅知名粵劇女鬚生馮俠華，舅父則係文武生馮俠魂，舅母為「粵劇名伶」楚岫雲。江圖19歲時曾隨舅父到內地演出粵劇，打下扎實表演功底。
到60年代江圖年加入影壇，最初以「江濤」為藝片。後來再改名為「江圖」，寓意「大展鴻圖」。佢曾任職香港各大電視台，先後效力於麗的電視（後更名為亞洲電視）、無綫電視（TVB）及佳藝電視，更於亞視效力超過30年，出演過大量膾炙人口劇集，好似《大地恩情》、《大俠霍元甲》、《我和殭屍有個約會》等。
直至2010年前後，江圖因聽力問題逐漸淡出娛樂圈，到2019年受邀於《叔·叔》中飾演「超仔」一角，細膩演技令觀眾大為驚喜。
江圖晚年深居簡出，前年曾出席藝人聚會，當時雖然身形消瘦但精神不俗，打扮講究嘅佢更被友人笑稱像「皇帝出巡」。

#江圖 #蔡志祥 #江濤 #粵劇世家 #亞洲電視 #麗的電視 #TVB #佳藝電視 #叔叔 #超仔