他叫许颂升，洋名：Stanley 是 #在张国荣葬礼上追着灵车跑的男人#

许颂升1984年入行做保安员，后来专责做演唱会、名人明星的保安，由张国荣年代到现在的人气王姜涛，在行内屹立至今37年。

到过红馆看表演的歌迷相信都会见过许颂升，每当歌手走近观众席握手，他就会跟在身后揽腰护驾，以防歌手被歌迷拉倒受伤，

曾被他揽过腰的歌手粒粒巨星，包括张国荣、梅艳芳、张学友、刘德华、许冠杰等。Stanley位于荃湾的办公室内，墙上贴满近千个演唱会工作证，蔚为奇观。

回忆曾为多位巨星提供服务，Stanley直言交情最深的是张国荣（哥哥），「好多谢哥哥，我入行只系20岁多啲，同𠵱家比经验差好远，但哥哥冇嫌弃一个咁嘅𡃁仔，佢唔单止起用我、包容我，好多嘢系佢教我，譬如同佢出去食饭，餐桌礼仪佢会提点我，去到外地工作，英文讲得唔太对，佢会指正我，我因为家庭上嘅事同佢倾偈，佢会畀到好好意见。有晚佢问我有冇谂过移民？当时97关系，佢话喺新加坡有朋友开公司，可以叫朋友聘请我去𠮶边做嘢搞移民，佢好关心人。」

从哥哥首个到最后一个红馆骚，都是Stanley做保安，2003年4月1日哥哥离去那天发生的事，Stanley仍然记得，「傍晚时分陈太畀电话我，话哥哥出咗事，即刻过嚟玛丽医院，开车过去时，好多传媒、艺人打畀我，问哥哥系咪出咗事，但碍于职业操守，只能扮若无其事。」

当晚飞车去到医院，他见到陈太和唐鹤德，知道哥哥走了，「当时一片空白，谂唔到嘢。」送唐唐返加多利山后，他整晚留在哥哥家，好多朋友都留下陪唐唐。直至哥哥举殡，Stanley全程负责丧礼保安，「殡仪馆提供咗一个礼堂，将哥哥遗体放喺里面，锁匙由我一个人keep住，每日唐生嚟睇哥哥先打畀我，然后我攞锁匙去开门，唐生离开就锁门。道门我哋用铁链同自己锁头锁咗，连殡仪馆都唔会开到。」

唐唐知Stanley跟哥哥交情深，很信任他，不但将灵室的锁匙给他保管，更让他瞻仰哥哥遗容，「当时哥哥大殓，我喺殡仪馆附近处理公仔，唐生专登揾人叫我等埋我上嚟，哥哥先至入殓。」当哥哥出殡时，Stanley陪着灵车跑了一段路，亲送哥哥最后一程，「好多人问过我点解有咁举动，老实讲我都唔知，只系谂住呢程系哥哥最后一程，再冇机会，我有需要喺隔邻做一个保护。」仪式完成后，Stanley护送唐唐返加多利山，「返到屋企真系忍唔住，大家抱头痛哭。」

原来，Stanley亦早知哥哥有抑郁症，「喺佢去之前两个月，我同佢喺丽晶酒店饮茶，佢有同我讲佢嘅状况，话自己呢轮好唔妥当。」哥哥走了18年，Stanley依然十分挂念，哥哥曾鼓励他开公司，「后期我离开公司，同其他公司合作成立一个部门叫Stanley team，当时哥哥讲笑话，你真系寸。」

有人以为保安酬劳很高，有传梁朝伟和刘嘉玲2008年的不丹婚礼，花30万请Stanley team维持秩序，他反驳︰「呢啲系银码上炒作，我哋唔会因为客户身份，收费去到天价。」红星艺人到外地工作，都要聘请保安。

Stanley曾跟周润发到敦煌拍戏，那次他带伤开工，「当时发哥系唔知我有脚伤，到第一日朝早陪佢晨跑，佢见我扎咗护膝，问我点解，至知道我有脚伤，于是佢就好耐心教我脚伤嘅跑法，同埋刻意放慢脚步傍住我跑，跑完更会帮我推拿治伤，搞到我都非常唔好意思，返到嚟香港，佢仲介绍咗个相熟嘅医生畀我。」

最印象深刻是2004年到约旦，「当时饮品喺约旦拍广告，阵容好夸张，郭富城、郑秀文、陈冠希、周杰伦、蔡依林、F4，派咗十几人（保安）过去，好考验合作性同纪律性，因为有传媒跟过去，我哋要做保密工夫，运送艺人令造型唔曝光。试过被周董整蛊，有日周董突然间同F4嘈起上嚟，嘈到掷嘢互闹，大家喺度劝交，阿王（郭富城）都问乜事唔好咁，后来吴建豪偷笑，我哋先知中计。」

Stanley的保安工作往往夹在传媒、fans和艺人之间变磨心，最坏情况是fans被阻接触偶像，保安变了出气袋，「fans迁怒我哋，譬如会话保安非礼佢哋，试过报警，后来同fans多咗沟通，近年绝少发生呢啲情况。」