艺人专访丨關嘉敏承認同Matthew緣已盡 感歎對方拖得太耐
承認目前有追求者：唔係淨係我揀人
.
【关于美容与医美】
你自己平时多唔多去做美容啊？
我好中意做facial㗎，因为一瞓醒觉就会变靓啊，劲玩咁。但系咧，意味我就真系少做嘅，咁我都有试过浅尝每一次啦。我觉得系真系一个好伟大嘅发明，因为做完之后，虽然恢复期会比做facial耐少少，但效果系做facial嘅十倍咯。所以我觉得医美真系好劲。
你有冇谂过做啊？如果做，你想做边一个部位？
大家你觉得我应该要做边一个部位？我想试下嗰个直击腺（肉毒杆菌？），之前我做节目嘅时候见到有人打支针之后即刻停咗，其实好想试，但支针风真系太大啦，我大大嚿都有啲怕痛。但如果真系可以俾我试，我会想试直击腺。

【关于Maggie的厨艺节目】
我见你亦都有上Maggie嗰个节目，厨娘嗰个节目。有冇学到啲嘢啊？
我发觉原来煮嘢食真系可以咁乱咁嚟，我冇谂过乱咁嚟都可以煮到，又可以摆到入口。真系乱咁嚟，我都够老友啦，因为我都真系食咗。佢嗰个炒公仔面，我到依家都回味嗰阵味，因为实在太咸啦。我觉得Maggie都好俾心机，希望佢有一日可以煮到一餐好味嘅送俾我食，咁就代表佢出师啦。
你作为朋友会唔会担心佢煮唔出？
我本身冇担心过，经过呢个节目之后担心咗少少，邓佢担心。但佢一定会越嚟越好，因为第一次煮三个餸，有两个都系食得嘅，就系公仔面咸咗啲啫。三个餸两个食得，机率过咗一半，加油啊Maggie，你得㗎！

【关于肚皮舞比赛夺冠】
见到你好开心啊，一跳就攞冠军
我真系好彩。上台之前有啲紧张，但系我想试下，觉得自己冇嘢输，因为只跳咗个半月，输系好正常。所以我冇大包袱，直接上台enjoy个舞台，估唔到真系感染到观众同评判。开心系，但学嗰个半月真系好辛苦。我知自己唔叻，几乎每一日都抽一两个钟去练肚皮舞，练到喊，付出好多力水、眼水同汗水。肚皮舞真系改善体型好多，本身我做开gym有少少肌肉蹦紧，着衫有时会缩膊，但依家成个人直咗，因为肚皮舞有少少芭蕾舞底。唔一定系有肚皮先跳得，肚皮舞系好减肥燃烧脂肪嘅运动，大家都可以学下。
攞冠军后有冇后续表演？
公司已经收到电话，有人想邀请我去表演呢套舞。如果大家唔介意，我可以浅尝试下。同埋八月我会参加一个更大规模嘅全国性比赛，有好多外国人来参加，肚皮舞大赛，今次会挑战专业级，希望可以攞多个冠军返嚟。

【关于吓人短片】
大家睇到条短片都有啲担心，嗰个俾你吓嘅小朋友而家点啊？
嗱，最衰都系我贪玩，但个小朋友仲贪玩。佢拍完条片之后调转头吓返我，佢竟然唔惊我，所以大家唔使惊，系我俾个小朋友吓。

【关于阮嘉敏】
原来你同阮嘉敏咁friend？
系啊，我同佢识咗好多年。我啱啱参加校花校草嗰阵同佢同一届，佢讲嘅嗰只舞都系我排嘅，其实我已经唔系好记得，系佢提返我先知。我哋识咗十几年，未出道嗰阵时。
你有冇男仔朋友介绍去追佢？
其实佢完全唔需要担心，佢又有颜值又伊人又玩得，性格非常好，好多人都会拣佢。

【关于感情状况】
我啱啱访问咗嗰条，经过再三拷问之后，佢讲咗好心碎嘅答案，话同你应该系朋友。点算啊？
冇计㗎，我每个都唔止一样㗎嘛。佢话最后两个星期，原因可能系拖得太耐，加上佢同我啲朋友玩得好埋，成件事好似喺我个friend zone入边玩，friend咗咯。我冇问过佢，可能佢准备参加女神二啦。佢不嬲唔系主动嘅人，我都想男仔主动啲。
呢个消息一出，你会唔会觉得可以重获自由再去拍拖？
再睇下啦，睇下有冇适合嘅男仔。
你唔急咩？想试下事业先？
其实我都想事业爱情两得意，唔系我拣人，人哋都要拣我。我系artist，时间浮动，有时突然唔喺香港几个月，要互相了解信任先可以一齐。

【未来工作安排】
嚟紧有咩工作？
会做啲event，女神二都会海选，我会负责拣下啲男仔。你会唔会好严格？梗系严格啦，我对象要求高，我一定会整蛊啲男参赛者，大家睇路啊。
除咗你仲有边个？
我唔知啊，系有份㗎。仲有剧集存货，但未知几时播，嚟紧我哋都默默咁casting紧剧集。希望开得成，有机会再做演员角色俾大家睇。好啊好啊，期待同你再见。
#TVB[超话]# http://t.cn/AXJqz0Kw