條片入面嘅我，係放縱咗少少嘅。

入場坐低嘅時候，坐喺隔籬左右嘅粉絲同我講：
「想同你講定聲唔好意思先，等陣我哋可能會好嘈！」

然後我話：
「放心，你唔會嘈得過我嘅！」

我相信，坐我隔籬嗰個謝安琪，都俾我震傷咗嘅。

呢個肯定係我近呢幾年睇過最好睇嘅演唱會，
三個人，一齊咗40年，就跳足40年，
呢個尾場，又跳又唱三粒幾鐘，完全冇停過，
所有嘅歌，全場人都係識唱嘅，嘉賓仲要係郭富城，
癲咗，講真，個show使唔使咁好睇呀？

想當年學生時代買佢哋嘅cassette帶同CD，
到我大個咗竟然有機會同佢哋一齊拍電視節目，
然後大家做咗朋友仔，間中相約食飯聚會，
感謝你哋邀請我去睇你哋呢個咁正嘅演唱會，
知道你哋嚟緊將會世界巡迴，祝你哋一切順利。

各位海外嘅草蜢粉絲，信我，如果去到你哋嘅城市，
一定要睇，你就知道乜嘢係香港殿堂級嘅跳唱組合。

呢一段，真係黐咗線，我講我自己😂😂😂 http://t.cn/AXJ9XOj5