我讀書嘅時候睇住佢游水，然後睇住佢入行做歌手，
到我入去電台嘅時候，佢睇住我做DJ，
跟住佢睇住我結婚生仔，我又睇住佢結婚生仔，
上年佢睇住我開紅館，今年到我睇住佢開紅館，
識咗20幾年，真正係喺呢行一齊長大嘅朋友。

之前大部份嘅時間，都只係工作上面遇上，
直接近呢幾年，我哋嘅關係再親密咗，
多咗聯絡，多咗見面，多咗溝通，多咗了解。

如果要喺娛樂圈入面搵一個人做我女婿，
我諗都唔駛諗，第一個，就係揀佢。

善良，正直，正路，重情，顧家！

我好相信，仲有個幾禮拜，呢兩場，
最後一定會全部售罄，Full House。

兄弟，多謝你相信我哋棋人團隊，
將你最好嘅演出帶俾所有觀眾啦！

未買飛嘅，快啲去城市售票網買啦。