专访丨麥美恩否認被雪藏 親揭曝光減少真相：希望自己監製節目

無綫「綜藝女王」麥美恩（Mayanne）現身好友周奕瑋（Jarvis）全新旅遊節目《周遊人生》試映會。對於近期螢幕曝光減少、甚至傳出被「雪藏」，Mayanne受訪時以直率幽默回應，否認傳聞。佢笑言自己「從來冇停過」，只係工作平台已唔再局限於本地頻道：「之前喺吉隆坡同黎諾懿、劉穎鏇拍咗個製作，而家喺馬來西亞率先播緊。大家可能要適應喺唔同平台見到我。」Mayanne又透露，無綫其實有安排工作，只係需要配合時機：「我想做嘅嘢要夾天時地理人和，希望節目有足夠資金，因為我想親力親為，自己主導一啲嘢。如果可能，我希望自己監製節目，但要儲班底同搵資金。」

講到好友Jarvis嘅新節目，Mayanne話自己見證咗佢由構思到拍攝嘅心路歷程。佢特別提到海報中Jarvis「赤腳」嘅細節：「對鞋其實係自信同安全感嘅來源。佢冇著鞋，象徵住願意展露缺點，打破框架突破自己。呢個唔係一般旅遊節目，大家要用心去『聽』佢嘅心聲。」
#TVB[超话]# http://t.cn/AXJnDaRT