李君妍宣布離巢TVB：16年旅程，係時候要轉變了
.
藝人李君妍日前喺社交平台宣布離開TVB，晒出多張告別相片，並寫道：「ByeBye 5月 ByeBye TVB👋🏼👋🏼👋🏼」

佢感性表示，喺呢間公司度過咗16年歲月，係一段好長嘅旅程：「從當初剛剛畢業咩都唔識，到一路喺度成長、接觸唔同嘅人去過唔同地方，每一次嘅工作我都充滿挑戰，多謝舊公司多謝每位舊同事💖」不過佢認為，當一個地方已經唔可以令你繼續成長，就係時候要轉變了。

李君妍透露，呢幾年選擇出去進修，希望再進步，追求更多成功感，踏入健身教練同香薰治療師行業，希望能夠更深入同人交流、幫助他人。佢話：「希望未來嘅日子更加豐盛幸福，感謝大家一路以嚟嘅支持同理解💖🫶🏻各位江湖再見啦👋🏼👋🏼 P.S歡迎任何形式嘅工作洽談😆😆😆」

佢仲晒出當年藝員訓練班面試貼紙、簽約當日訪客貼紙，以及參演劇集嘅貼紙，滿載回憶，並多謝每一位選用佢嘅監製、導演同副導演們。 . http://t.cn/AXXLegge