吳倬希退選後首開腔：決定好唔容易 感激TVB給予機會
.
《2026香港小姐競選》12位候選佳麗今日（17日）正式會見傳媒，統籌委員會成員樂易玲透露，原本16位入圍名單中，大熱吳倬希在昨晚10點突然以私人理由退選，令她大嘆可惜。吳倬希隨後亦在社交平台發布感言，親述退選決定。

吳倬希以「十號吳倬希」作开场白，坦言退選係一個非常唔容易嘅決定：「由初選一路行到而家，我真係好珍惜每一個機會，同每一位工作人員、佳麗、前輩相處嘅每一日。」佢衷心多謝TVB畀佢呢個難得嘅機會，雖然時間唔長，但學到好多，開闊咗眼界，認識到好多好好嘅人。

佢特別感謝台前幕後工作人員嘅照顧同鼓勵，多謝佳麗們嘅陪伴，以及一直支持佢嘅每一位：「因為有你哋，呢個旅程先會咁難忘。」雖然未能繼續完成旅程，但佢相信每一段經歷都有佢嘅意義，會帶住呢份勇氣同學到嘅一切繼續努力，向心目中嘅完美更近一步。

吳倬希最後祝願今屆港姐競選圓滿成功，希望大家繼續支持其他佳麗。

樂易玲早前透露，吳倬希才藝表演已準備好以五種語言唱出吳卓羲名曲《別怪她》，可惜因訓練日程無法配合，無奈選擇退選。樂易玲鼓勵她明年再參賽，指「下年好多人嚟參加」。
#TVB[超话]# http://t.cn/AXaQSkuM