【娛樂新聞】吳大強父親節自認幸福感恩 唔介意囝囝做「多仔公」：我會幫手湊
.
吳大強今日（21日）到灣仔出席父親節活動，育有四子嘅佢心情靚絕，透露上星期已同家人食飯慶祝，今朝仲同細仔飲茶，過得好開心。被問到恨唔恨抱孫，大強就話順其自然：「咁大個人，相信佢哋都識自己調節，我好少追佢哋話差唔多。」

問到囝囝有冇帶女友返屋企畀佢過目，大強坦言好少。至於囝囝追女仔有冇遺傳到佢嘅好眼光，佢就笑言自己冇乜優點，唯一就係搵到個好老婆，肯幫佢生咁多小朋友，覺得好幸福同感恩。大強仲話，唔介意囝囝同佢一樣做「多仔公」，仲笑言自己會幫手湊孫，一副慈父模樣，盡顯家庭溫暖。 http://t.cn/AXSc07XS