【娛樂新聞】馮盈盈黃嘉雯兩年前旗袍仍合身 陳懿德為港姐外景努力減肥
.
馮盈盈、黃嘉雯及陳懿德日前到湖南為《2026香港小姐競選》拍攝外景，三位師姐穿上旗袍為一眾候選佳麗作完美示範，旗袍Look盡顯雍容華貴，成功搶鏡。

受訪時被問到相隔多久再著旗袍，馮盈盈話早兩年喺TVB台慶上，曾經著返2016年參選港姐決賽當晚嗰件旗袍，依然非常合身。黃嘉雯亦話自己同樣喺兩年前嘅台慶著返當年選港姐嘅旗袍，同樣著得落，佢笑言證明大家身材都冇走樣。至於陳懿德就話對上一次著旗袍已經係五年前嘅港姐決賽，但今次拍攝就覺得著咗件細一個碼嘅旗袍，被問到係咪心廣體胖，佢就話自己其實為咗今屆港姐外景拍攝好努力減肥。

今次拍攝對陳懿德特別有意義，因為當年佢參選時，外景拍攝都係由馮盈盈同黃嘉雯兩位師姐帶團，今次能夠同佢哋一齊參與拍攝，感覺非常難得。三位師姐今次化身「港姐社工」，為師妹們打氣同指導，盡顯師姐風範。
#TVB[超话]# http://t.cn/AXSiQWDN