【娛樂新聞】Bob林盛斌宣布舉行棟篤笑巡演 自嘲「搏命先生」同時拍劇兼籌備：休息唔夠
.
林盛斌（Bob）今日（25日）舉行記者會，宣布即將舉行第三次個人棟篤笑《BOBMAN搏命先生》巡演。好友方力申及拍檔鍾楚霖等現身力撐，場面熱鬧。Bob受訪時透露，今次籌備棟篤笑嘅同時仲要拍劇，過程相當辛苦：「休息確實唔係好夠，今次叫得搏命先生，證明事業上都要搏命。」

Bob今次棟篤笑海報以單手爬山的誇張造型示人，被指似足Laughing哥。佢澄清靈感其實係來自Alex Honnold挑戰攀爬台北101大樓嘅壯舉：「原來地球上真係有人咁奮不顧身，反思自己平時都需要呢種精神。」Bob話希望透過今次演出，將呢份「搏命」精神傳遞畀觀眾。巡演詳情有待主辦方陸續公布。 http://t.cn/AXSovwBK