陳凱琳內地綜藝節目驚險晉級 感激老公鄭嘉穎成為最強後盾

陳凱琳（Grace）最近忙於參加內地綜藝節目，成功殺入總決賽，呢日難得喺香港出席活動，Grace坦言得知晉級後，喺台上有啲腳軟，加上嗰晚本身個團有一位佢好喜歡嘅姐姐要離開舞台，Grace當刻心情有啲忐忑。

Grace好感恩可以行到呢一步，自覺一直掹車邊咁走，付出後見到呢個成績都開心嘅。今季十賽事特點係現場直播製作，Grace話由選港姐每一次出嚟都係直播，第一係畀自己一個好嘅挑戰，希望觀眾睇到最真實嘅佢哋，第二係自己要接受有瑕疵、唔夠完美，第三係有直播嘅緣故，就會睇到自己嘅進步，若果所有嘢好完美咁調好咗，可能大家未必睇到佢哋由第一日到而家嘅進步。

Grace喺參賽過程中，獲得好多人支持，佢感激老公鄭嘉穎成為最強後盾，令Grace可以全程投入作戰，Grace甜絲絲話好彩有老公撐住頭家。