【On.cc】朱敏瀚跟游嘉欣拍咀戲　強調冇「伸脷」

藝人吳啟華、游嘉欣、賴慰玲、戴祖儀、@朱敏瀚Brian 及貝安琪等，今日（28日）為新劇《非份之罪》宣傳，現場播放部分劇情，包括朱敏瀚跟游嘉欣的咀戲，吸引大批前粉絲到場支持。

劇中吳啟華與貝安琪飾演夫妻，貝安琪坦言有追對方的劇，今次終於可跟對方合作之餘還可以演一對，因此很開心，又透露劇中會合唱英文歌，是對方突然表示要加戲一起唱，因此並未夾過。吳啟華則表示曾出過一張CD，內裏也收錄了這首英文歌，現時也一直有唱歌，包括商演或在家中也會唱。貝安琪也表示很喜歡唱歌，讀書時期也有修讀音樂。

貝安琪表示近年多在內地拍短劇，雖然集數多但很快完成故不覺得辛苦。吳啟華指自己也客串過一次短劇，自爆早前賣了肖像權給電影公司拍AI電影：「佢用我20歲個樣去製作一部電影，我又唔使拍，我睇過片段都滿意，可以重溫一下自己做男主角嘅滋味，片酬都唔差㗎。」他指因簽了合約，故不擔心對方以自己肖像來拍其他電影，笑言以後可坐定定不用動身便拍好：「真係打跛腳都唔驚，哈哈！（冇得過戲癮？）冇所謂，呢啲係另一條線嘅發展。（親熱戲就自己演番？）要睇對手，如果係貝安琪就可以。」

朱敏瀚指劇集於3年前拍攝，重看片段勾起了不少回憶，提到他劇中跟游嘉欣有吻戲，他表示是首次跟對方合作，搞笑強調拍攝時沒有「伸脷」，但若角色需要他絕不介意。游嘉欣指吻戲是於較後段拍攝，因此跟朱敏瀚已混熟，故拍吻戲沒尷尬，她説：「之前覺得佢好似好Cool，開頭會擔心唔知同佢講乜，但原來佢好Nice，會主動同我傾下場戲點做。」

朱敏瀚透露最初認識游嘉欣時，對方跟他表示8歲時有看有他演出的電視劇《點解阿Sir係阿Sir》，笑言讓他感到「好恐怖！」提到朱敏瀚早前公開已單身了一段日子，問到游嘉欣對方是否自己喜歡類型？她笑言：「係仰慕，咁我都係鍾意啲有雙眼皮嘅人，只要唔係單眼皮嘅都已經可以考慮，哈哈！」不過她亦表示自己不喜歡跟她哥哥同一生肖的男生，所以不會考慮跟朱敏瀚發展。問到朱敏瀚能否接受小8歲的女生？他説：「唔好搞啦！」

朱敏瀚指劇集於3年前拍攝，重看片段勾起了不少回憶。

朱敏瀚同游嘉欣於劇中有吻戲。

朱敏瀚強調冇「伸脷」。

游嘉欣送心心。

游嘉欣不會考慮跟朱敏瀚發展。

吳啟華與貝安琪飾演夫妻

吳啟華姿勢十足！

吳啟華指現時也一直有唱歌。

吳啟華、游嘉欣、朱敏瀚及貝安琪合照。

貝安琪開心可跟吳啟華合作。

賴慰玲嚟啦！

戴祖儀晒長腿！

嚟張大合照。

#朱敏瀚[超话]#