世界盃小知識- 點解世界盃分組賽最後一輪要同時開打？事緣呢四個國家：阿根廷，秘魯，西德及奧地利（多得佢哋唔少）

▪️1978年阿根廷對秘魯前嘅背景：當時阿根廷喺最後一場比賽需要淨勝四球以上先能夠壓過同組對手巴西晉級決賽，結果以6-0大勝秘魯。由於比賽安排喺巴西嘅比賽之後進行，阿根廷已清楚所需嘅分數差，呢場比賽引起外界懷疑存在政治或利益因素，後來唔少秘魯球員都有透露，當時係有意送分。

▪️1982年「希洪之恥」：西德與奧地利於最後一輪比賽中，只要西德小勝即可攜手晉級。西德喺第10分鐘入波後，雙方就開始喺度「散步」，最終以1-0嘅賽果作結。同組嘅阿爾及利亞因此遭到淘汰，引發全球憤怒，媒體稱此戰為「希洪之恥」。

呢兩次事件引起FIFA 深思，意識到最後一輪比賽若分開時間，球隊可能利用已知結果「計分」或者踢默契波。於是自1986年墨西哥世界盃起，國際足聯規定同組最後一輪必須同步開波。

#世界杯[超话]##世界盃小知識##希洪之恥#