古天樂今日為一連兩場嘅紅館騷《古天樂 MY FIRST SHOW》舉行記招，更即場首公布與農夫合唱嘅新歌《天下一家》MV Teaser添！古Daddy揚言到時必定驚喜連連，只預告今次會係四面台、一定有AI元素，講到佢喺記招上笑言會唱到觀眾席，係堅嘅？有冇機會同到山頂嘅觀眾互動？

眼見預售秒殺、古迷跪求加場，古Daddy先搞爛gag反問：「其實你係咪覺得我好短，做咩要加長？」之後就表示應該就冇得加場啦！雖然場次冇得加，咁時間方面又有冇得加長？同古迷唱天光？除咗唱歌之外，古Daddy話會有跳舞部分，所以依家練舞、練氣、練歌同時進行中，promise大家會盡佢所能做到最好！

話晒係首次開騷，見過唔少風浪嘅古生都話緊張㗎，會不斷努力解決，勁勵志呀！嘉賓方面，佢唯一肯透露嘅只有農夫，咁宣萱呢？會唔會合唱《無時空之戀》？另外，呢日亦率先曝光佢支紅黑造型嘅私家咪，內藏咩意思？會唔會設計埋周邊產品？想知更多就要睇足本訪問啦

CR：viu1hk http://t.cn/AXSejCVN