གངས་རི་དཀར་པོའི་བཀྲགས་མདངས་རབ་བཀྲ་བའི།།
གངས་ལྗོངས་ཕྱུག་མོའི་ཞིང་ལ་ཆོལ་གསུམ་དུ།།
བགོས་པའི་མདོ་སྨད་རྟ་ཡི་ཆོལ་ཁ་དེར།།
བདག་གི་ཕ་ཡུལ་མཛོད་གཡང་ཕྱུག་མོ་ཡོད།།
འདི་ན་རང་བྱུང་ཁོར་ཡུག་གཙང་མ་སྟེ།།
རྔུབ་ན་བདེ་སྟེར་མཁའ་དབུགས་དྭངས་མོ་དང་།།
མིག་གི་དཔྱིད་གྱུར་སྣ་བརྒྱའི་མེ་ཏོག་དང་།།
བཏུང་ན་ཞིམ་མངར་ཕན་བྱེད་ཆུ་ཕྲནའང་མང་།།
ཕྱི་ལ་གཡང་ཆགས་ནང་ལ་བཅུད་རྫོགས་པའི།།
ཡུལ་གྲུ་འདི་ནས་སྐྱེས་ཆེན་མང་བོ་འཁྲུངས།།
བྱིན་རླབས་བདུད་རྩིའི་འོ་མཚོ་ཉེར་འཁྱིལ་བའི།།
ཡུལ་འདིའི་ཆོས་རིག་སྲིད་གསུམ་དར་བར་སྨོན།།
གཡས་འཁྱིལ་དུང་གི་དབྱིབས་ལྡན་སྐྱེས་རིའི་འདབས།།
འབྲོག་རུ་ཕྱུག་མོ་མཛེས་པའི་སྤང་ལྗོངས་སུ།།
གཡང་དུ་ཆགས་པའི་ཕ་ཡུལ་འདིའི་འཕེལ་རྒྱས།
།བབས་པ་མེད་ཀྱང་སེམས་ཀྱི་གཤིས་ལ་ཐིམ།།
—ཞེས་བཛྲ་ཚུལ་རྒྱ་མཚོས།

雪峰凝瑞溢祥光，
卫藏多康界大荒。
安多马域分疆处，
沃土佐革是故乡。

山川澄澈尘无扰，
爽气悠悠遍四冈。
遍野繁花添秀色，
清泉汩汩绕村旁。

地饶物厚藏生气，
自古贤才此地扬。
似湖甘露含吉泽，
祈愿法政共绵长。

螺山之下芳原阔，
点点村居落牧场。
桑梓兴衰千般事，
未曾亲至亦难忘。
—戒海 撰
—达扎 译