港姐王菲答应唱片公司太子爷张子丰求婚，过程相当浪漫，张子丰旗下艺人江若琳表示：“半夜收到呢个消息，好开心、好惊喜、因为一直都等梗呢一日，佢哋两个真系金童玉女，同埋我老板系个好善良嘅人，系个超级好男人，阿菲亦系好好嘅女仔，所以佢哋系天生一对，我成日都问佢哋几时结婚，我终于可以叫阿菲做老板娘，非常好呀，有位咁好又咁靓，仲好登对嘅老板娘，祝佢哋百年好合，佢哋两个基因咁强大，好快啲生BB。”

其旗下另一位歌手何雁诗说：“其实佢哋求婚嗰日，我哋一家三口都在场，帮手照顾佢哋两家人，阿菲讲‘我愿意’时，我哋在场嘅全部人都好兴奋，但因为我叫得太大声同太突然，个仔都畀我吓亲，当初我叫个仔叫菲菲做姨姨，依家可以正式佢叫做契妈妈。我都识咗张子丰10几年，由佢同王菲拍拖开始，觉得佢个人转变好大，成个人开心咗，佢一个人嘅时候会谂好多嘢，但王菲嗰种单纯好易令人快乐，我会用两个大傻嚟形容佢哋，佢哋会带畀大家好多欢乐，希望佢哋每一日都咁快乐。”

张子丰好友吴业坤送上祝福：“其实我哋好耐冇倾偈，但有日我问佢几时结婚，佢同我讲都准备求婚，我哋啲Collection真系好正，一讲就中point，当然戥佢好高兴，我哋细细个就识，都识咗10几年，佢由做歌手到做我MV导演，虽然唔系成日见面，都Keep到个感觉啰，见到佢同阿菲收成正果都好感动，希望大家都为事业奋斗，有个美好家庭。”