【On.cc】陳熹潼否認轉行　被診斷患呢個病一飲酒即咳血

藝人陳熹潼今日（7日）出席新劇《死有對証》宣傳，開心表示未想過可以劇接劇，剛播完有份演出的《夫妻的博弈》便緊接播放《死有對証》，讓她十分驚喜。劇中演法醫的她，難忘拍攝外景時因天氣太炎熱導致中暑，她説：「當時30幾度，第一次中暑，上到車面都白晒又唔係好抖到氣，但因為好大場面唔想拖累其他人，所以冇同劇組講，只係傳短訊畀屋企人話可能要叫白車。」她表示幸好沒大礙，最終也順利完成拍攝。

提到她於社交網發表感言，惹來外界猜疑想轉跑道，陳熹潼解釋該段感言純粹是送給自己的一封信，澄清並沒有想過離開自己熱愛的演藝事業：「最近真係有諗埋如果真係轉行可以做乜，其實篇文章係用嚟警醒自己，係咪應該繼續瞓身不顧一切去做一樣嘢呢？」她坦言人大了負任大了，因雙親年紀漸長，自己不能像初入行時只顧一直衝，亦要考慮照顧他們的事，因此希望有兩手準備：「我唔係想放棄，但真係要成熟啲諗多啲後路，當然有機會一定會努力繼續拍戲。」她表示眼見不少演藝學院師兄師姐畢業後開班教授演戲，成績不俗收入又穩定，因此想向這方面發展，坦言演藝寒冬下近年開工不足，是時候考慮腳踏實地開闢另一條出路。

提到她曾透露身體抱恙，她指當年在美國拍電影時患感冒，但因拍攝緊湊未有時間就醫，結果回港後被診斷患上「支氣管擴張症」：「有一日同朋友飲紅酒，飲咗一啖即刻咳血，嚇到我死，醫生話一般係老人家先有，但因為我感冒冇認真處理，所以變成咁，做手術風險太大，所以依家當佢係一個慢性病。」

陳熹潼否認轉行。

陳熹潼被診斷患「支氣管擴張症」。

陳熹潼話飲咗一啖紅酒即刻咳血。