真心換真心，我都想俾啲回饋你。
歌聽完、MV睇咗、歌詞也已經感受到。
可以感受到你滿滿嘅誠意和對歌迷支持者嘅謝意。

有時我都會諗：點解Jackson唔洗放工？點解Jackson無假放？後來我先明，原來你唔係當工作係一份工，你做嘅係「逐夢」，係實現夢想。而我果種叫：用勞動力換生存，即係大家叫嘅「牛馬」。不過我更加覺得自己係一啲好抽象嘅勞動力，返工有時為咗責任、有時為咗打發時間，當然大部分時候係為咗生存。

其實我無追星N年，相比以前經常C1（娛樂新聞在報紙C1版）撈飯，通常我會話我已經「退出咗娱樂圈好耐」。
咁Jackson Wang 對於我究竟係咩呢？ Jackson Wang 其實唔係我偶像， 係一個符號，係一個存在、一個能夠實現理想嘅存在符號。好多時我會諗：如果理想並不對立於現實，那麼至少理想和現實之間總有一段距離，而且是一段相當遙遠嘅距離。但係日日睇住你一步一步將呢個距離越縮越短，係一件好開心嘅事， 非常戥你高興！ 所以好鍾意觀察你。 呢種「觀察」包含學習和激勵， 也包含了佩服同自我反省。 嗯！ 我覺得咁樣比較有意義。

你有提過自主性， Self-Autonomy, 呢點我都有觀察到。 呢點都係我欣賞嘅地方。 其實唔係人人都想咁樣嘅！ 好多人習慣依賴別人、唔鍾意做決定、害怕承擔後果。 見到你鍾意自主人生，我非常樂於見到，因為這是邁向Self-actualisation 所必要嘅。

我諗唔同人對你都有唔同嘅感動位。當你寫歌多謝我哋嘅時候，其實我哋都出於唔同原因多謝你。 我嘅多謝係因為喺你身上見到好多嘢，其中最重要嘅係我見到「希望」。 呢樣嘢係呢個世界上嘅稀缺品！

此致
總監/產品經理
@王嘉尔

Gi

#王嘉尔# #thankyou# #jacksonwangthankyou#