#米雪[超话]# 原創中西糅合歌劇《蔽月無眠》全球首演米雪演活皇后勁霸氣 讚西樂結合粵曲效果驚喜
悉心照顧林穎施顯「母女情深」與男高音顏嘉樂對戲
由殿堂級演員米雪、粵劇花旦林穎施、男高音顏嘉樂合演嘅原創中西糅合歌劇《蔽月無眠》，尋晚(1日)喺東九文化中心劇院舉行全球首演!將西方歌劇同粵劇傳統「唱唸做打」破格匯聚，更融入中國武術、現代舞蹈，打破傳統界限!
米雪喺謝幕嗰陣表示完成全球首演既開心又好緊張!林穎施感觸話「媽咪」米雪喺成個排練過程對佢都係「母女情
深」:「米雪姐姐喺舞台上係女皇，但佢非常關心我，喺食宵夜嗰陣成日夾餸畀我，叫我食多啲，喺後台又不停幫我撼頭套、戴頭套!」而另一個感動嘅就係被創作歌曲觸動，指喺曲風、旋律上令大家好容易投入角色!米雪亦表示有同感，西樂結合粵曲，將鑼、鈸都做到咁好聽，對出到嚟個效果感到好surprise!
《蔽月無眠》係一個跨越千年嘅靈魂羈絆，以人性之光引領科技向善嘅故事:千年前，西夏王子金無眠、大梁蔽月公主因家國仇恨同權臣陰謀，喺離亂中雙雙飲毒酒殉情，留下撕心裂肺嘅來世之約。經歷多次輪迴嘅悲劇循環，喺千年後嘅梁港，由夏市出差嘅當代AI科學家Nox喺劇場瞥見粵劇紅伶關月盈演繹《帝女花》，二人四目交投間，潛意識中糾纏干年嘅夢魘與靈魂羈絆瞬間被喚醒。 fr:viu1hk