【视频】#关智斌[超话]##关智斌THEENDLESSADVENTURELIVE#

「01娱乐」2026-10-08 關智斌 （Kenny）昨日出席慈善跑活動，談到前BOY’Z隊友 張致恒 （Steven）自爆欠債七位數，其中一位債主是Kenny，問對方還錢了沒有，從不說Steven半句不是的Kenny非常得體說：「哎呀，我冇為意喇呢啲喇已經，咁耐嘅事情，冇乜記住……你平時同朋友食飯，有時你俾住錢先，有時我俾住錢先，我冇特別去記住喇。」他透露二人前陣子有聯絡，亦會給建議，對於昔日隊友如今竟上節目跟梅啟明、周永恆等自認「廢男」任觀眾鬧，Kenny祝福：「我真係覺得每個人有自己人生嘅課題，有自己人生行嘅路，佢今日行嘅路會帶佢去邊度，呢個只有佢自己最清楚。」

另外，經理人霍汶希（Mani）近日做節目時直指Steven是最麻煩藝人，要動用公司資源派司機逼他上學，還要Kenny扮他表哥送他到學校。問Kenny當年是否常常都要幫Steven執手尾，他表示沒多想，認為作為隊友是互相補足：「其實我又唔覺得係要幫佢而做好多嘢，始終嗰時大家係拍檔，我幫佢時，其實都係幫我自己，邊個能力喺邊方面強啲，就邊個去做嗰樣嘢，邊個人照顧人強啲，邊個喺演出能力比較強啲就會去互補，所以冇話邊個一定要take care邊個。」 http://t.cn/AXlL06X0