#川西秋游小结##人生得意须进山#
一直心思思去川西 原计划同行嘅朋友都休唔到假嘅情况下 最佳旅游搭子阿肉又出现了 于是一拍即合 提早两个月就定落行程

呢次行程想记录嘅好多 比如

领队阿东嘅超绝车技简直同头文字D差唔多 榆磨路上嘅发夹弯全速过弯 上虫草垭口非铺装临崖盘山路甚至连佢都fing到自己高反 落山果阵佢都不禁发问点解我地甘犀利 其他客人都会叫佢开慢D 其实我同阿肉已经fing到活人微死 只系表面毫无波澜 接落黎几日系阿东嘅训练下已经定过台油 除此之外 阿东仲好执着影硬凹造型嘅大头照 然而我同阿肉只想影背影同蚊滋甘大嘅人 系部无人机最有用 但我竟然唔记得叫佢用黎影埋雅拉雪山嘅日照金山 dum心口 毕竟日日可以睇到日照金山就想好好记录 运气爆棚噶嘛

原本担心高反但竟然全程适应良好 系3700米尽情享受山野生活 每日面对各种大自然美景同阿肉嘅对话无非都系：“D山好大 个天好蓝 旧云好大 D水好靓 D树好黄 好多牛好多马 哇靓啊靓啊 ”词穷但真挚

呼吸住高原上稀薄又纯净嘅空气 望住广阔嘅天空雪山草原森林溪流 不禁感叹天地辽阔 幸好自己身在其中[awsl]

好幸运每日都系大晴天 连续两日睇到日照金山同圆月同框 系虫草垭口上望住贡嘎 内心无比平静 太阳慢慢落山 背后系沉入深暗嘅连绵山脉 面前系逐渐展现嘅金山 由赤金变玫瑰金 天空由蓝调变粉调 短短十几分钟 简直就系大自然对为佢奔赴而来嘅人嘅完美馈赠 第二晚嘅雅拉日照金山放弃咗去观景台而选择咗远观 少咗直面嘅震撼 但却多了一份融合天地嘅静谧感 易受大自然触动 能与大自然产生共鸣 大概就系i人特质之一吧[捂嘴哭]

至于本次旅行主题追秋就更完满了 甲根坝新都桥姑弄村沿途连绵山坡黄绿相间 间唔中出现一座座雪山映衬其中 只想用眼用力记住每一个瞬间 四姑娘山景观层次丰富 蓝天黄树海子雪山层层叠加完全视觉盛宴 除此之外 路上也是处处风景 悬崖峭壁之间溪流奔涌 驰车山间公路与云并肩 阿肉数次提到希望见到路上有熊猫cam出黎或者渡江 仲有想见到土拨鼠同藏狐 但无奈只有中意用雪山水洗脚嘅牛马 攀岩牦牛同走地猪

身处深山 每日三餐都系随便就近应付 （but强推小金县嘅小金果 好酸甜爽脆嘅苹果 同阿肉怒食好几个）为免高反冲凉洗头都要超快速 而且每晚都早训（对于我来讲）完全健康生活 以致结束五日行程系深山翻到成都嘅时候都唔系好习惯 毕竟过去几日沉浸式做野人🫈 好似好耐无见过街边太多人与车 繁华闹市人醉夜

唔知点解呢趟行程唔会觉得好快过 可能因为大自然嘅力量 又可能因为少睇手机 成个人就系love&peace 想忘记呢个世界 总之山川旷野真系令人上瘾 川西有一次就有下次 期待下次夏天见[期待]