【On.cc】節目巡禮︱鍾澍佳爆正創作《新聞女王III》劇本　高海寧擔正《許詩晴外傳》要押後

無綫節目巡禮今日（10日）舉行，活動中播出《新聞女王III》的預告，令人相當期待。問到《新聞女王III》的劇本進展如何，總監製鍾澍佳笑言未寫好，表示正在創作頭幾集，至於後續故事還在發展中，因為一定要夠好才可以帶給觀眾。

鍾澍佳爆正創作《新聞女王III》劇本，而且是最後一季。

鍾澍佳透露前兩季已有一定口碑和效果：「呢個（《新聞女王III》）應該係我最後一個season，我唔會再拍架啦，所以更加要好好哋珍惜佢。」鍾澍佳又指曾跟佘詩曼商討，要求對方給自己多一點時間，皆因上兩季他都是先給對方劇本過目，然後才去洽談合作，指佘詩曼有興趣，不過答案還是那一個：「你拎個劇本嚟睇吓先」。

鍾澍佳指高海寧擔正《許詩晴外傳》要等一下。

活動中播出的《新聞女王III》預告片，鍾澍佳又指：「啱啱個預告片入面我會係交代咗啲嘢，即係上一季個古仔有啲延續未解決嘅嘢，會喺呢一季入面解決咗。」被問到《新聞女王》會開《許詩晴外傳》，並由許詩晴（高海寧飾）擔正，鍾澍佳笑言：「許詩晴等吓先啦，我人得一個咋，我命得一條，我度嘅時候我都係度緊一個古仔架咋，好難同時間度3、4個故仔，畀啲時間我吖，我覺得許詩晴係等得架，哈哈」。

鍾澍佳透露高海寧的角色會現身《新聞女王III》。

當追問《新聞女王III》有沒有許詩晴（高海寧飾）參與，鍾澍佳透露會有，如果之前還在世的角色，應該都還會繼續存在，當然還會有新的角色加入，新的反派、新的對手，叫大家拭目以待。而高海寧對於將有機會參演《新聞女王III》，她感到相當高興：「開心呀，同埋我都會珍惜呢次機會再合作，因為合作咗兩季之後，默契愈嚟愈好，基本上第二季係唔需要點樣Warm-up嘅，所以第三季都會好期待。」高海寧更笑言毋須看劇本，已報名參與拍攝。

高海寧有機會參演《新聞女王III》表示高興。

鍾澍佳指黃宗澤的角色未必在《新聞女王III》出現。

至於劇中許詩晴的老公王偉（林正峰飾）會否再次現身，鍾澍佳笑稱：「我應該會畀佢出返嚟，佢等咗好耐啦，等吓啦後生仔係咁架啦，TVB個個都要等好耐架啦。」他又強調有兩三個新角色會比較重要，不過仍有待寫好劇本。鍾澍佳最後拋下震撼彈表示：「Bosco（黃宗澤）未必（出現），因為佢上一次嘅劇情，佢應該稍為fade out咗，今次唔知呢，我度到如果有需要佢，到時候搭佢膊頭碌佢卡（人情卡），叫佢嚟幫我做返一兩場。」