姚焯菲自爆紐約驚魂：學校附近曾有槍擊 暑假回港開騷想再出兩首新歌
.
姚焯菲（Chantel）接受新城電台節目《原來生活好快樂》訪問，大談在美國紐約留學嘅點滴。現年19歲嘅Chantel坦言，雖然紐約生活好舒服，但治安問題令人擔憂：「喺嗰邊讀書嘅時候，成日聽到學校附近有槍擊，或者突然之間有火燭但冇消防員，學校會即時send email警告，原來呢啲周邊都會發生㗎！」佢笑言每次返香港，都會覺得香港係最安全最舒服嘅地方。

講到與同房室友嘅相處，Chantel分享了一件神奇事：「我同個同房住咗成年都冇一齊出去食過飯，到學期完我哋先約咗去宿舍隔籬餐廳食。點知食完之後，佢突然喺個袋度拎咗隻碟出嚟，原來係佢覺得隻碟好靚，所以帶埋去食飯！」呢個經歷令佢覺得紐約生活充滿驚喜。

Chantel透露返港後工作排得密密麻麻，已同粉絲聚會，又為新歌《想飛之內心獨白》宣傳。佢透露暑假將舉行個人演唱會，更希望再出兩首新歌：「我希望可以再出多兩首新歌，開始搵到嗰個路線，唔想大家淨係見到我妹妹仔嗰一面，想開始穩定我嘅歌路，帶多啲正能量畀大家。」
#TVB[超话]# http://t.cn/AXamXD5V