鍾慧冰切除子宮報平安 閨蜜林建明問咁咪冇得生

1979年香港小姐競選季軍 鍾慧冰 今日（25號）突然喺社交平台公開喺病床相片，相中帶着笑容嘅冰姐雙手舉V字勝利手勢，但臉色較為蒼白，鼻插上呼吸喉管。冰姐親自交待入院原因話：「向知道與不知道的人都報個平安，手術非常順利，我已經成功地切除了那個不停成長的子官肌瘤、還有伴隨著的子官、輸卵管和卵巢。」

樂觀嘅冰姐又分享同閨蜜 林建明 嘅對話，大姐明問我「太遺憾了，咁咪以後都無得生啦？」我話係、肯定無，不過就算那些「架撐」全部響度，我都唔會生得出。

冰姐指手術後，需要一些時間靜養，待傷口痊癒後先可以重出江湖。如果「冰姐的花樣人生」節目未能如期出片，請大家見諒。喺醫院嗰幾日，冰姐話「耳邊最常聽到嘅就係要"一定要保暖、不可以感冒"，大家都要記住呀，祝身體健康。」

其實冰姐曾經患上罕見嘅「血管炎」，一度半身癱瘓，幸憑個人意志同女兒鼓勵，身體奇蹟康復。佢又曾因2008年雷曼兄弟事件損失慘重，幾乎賠上畢生積蓄。