#古天乐[超话]# HK Comic Con 2026
古天樂預先晒私人珍藏
1:1半身黑武士figure

新歌MV藏彩蛋 預告啟德開騷？
「講咗係《世紀大騙局》嚟」

聞「狗系男子」爆笑：你講多次咩狗系！

HK Comic Con 2026下月舉行， 古天樂 今日（1日）以活動大使身份到尖沙嘴出席揭幕禮，他指用上一年時間籌備該活動，並預告拎出部份珍藏作展覽，今日先以「黑武士」半身figure跟各位動漫迷打招呼。問到何會有《明日戰記》動畫版新消息？古天樂表示：「咁少？唔知喎，可能又係世紀大騙局！」

今日未以cosplay造型現身：「早啲講嘛！到時comic con可能會啦，我實會周圍睇。」隨即建議：「一齊扮等大家唔知邊個係我。」他已選定10件1:1珍藏展品，並預計會有小損傷：「當然會買定保險，但少少撞到實有，希望可以修補到。」雖向來鍾意收藏玩物，但古天樂指近年已沒出手入貨：「好多都係人哋送，有時我都話唔好，擺唔落喇，永遠無止境買落去都唔係辦法，適可而止好啲。」

昨晚古天樂推出新歌《 #世紀大騙局 》，他笑言：「我不嬲都喺樂壇入面！今次嘅新歌，入行嗰時已經諗定要做！」至於MV出現大量其經典造型，他解說：「第一個構思係諗咗MV先，我既然鍾意卡通片又收藏玩具，覺得卡通呢個方向幾好，卡通可以擺我嘅角色造型入去，但實在太多，都揀咗一陣先揀到呢啲。」

至於MV中出現的黑貓原具有特別意思，他稱稍後會公佈，其中降落在啟德主場館畫面，他說：「唔知㗎！歌名講咗係《世紀大騙局》嚟嘛！」有記者問古天樂屬貓系美男還是狗系美男，他即爆笑：「你講多次咩狗系！」

另提及施明日前病逝，古天樂謂：「講唔出聽到時嘅感受，希望佢一路好走，大家畀啲時間鼎爺消化。」

cr.娛壹