亞視傳奇綠葉江圖心臟病離世 終年89歲
.
資深演員江圖今日因心臟病離世，享年89歲。原名蔡志祥嘅佢，出身粵劇世家，19歲跟舅父到佛山演出粵劇，之後投考演員，效力麗的電視（亞視前身）多年，曾過檔TVB同佳視，佳視倒閉後回巢亞視近35年，參演過《家春秋》、《浣花洗劍錄》、《天龍訣》、《大內群英》、《秦始皇》等多部經典劇集，有「亞視傳奇綠葉」之稱。

江圖喺2010年因聽力問題淡出幕前，直到2019年嘅電影《叔·叔》再登大銀幕，飾演「超仔」，同主角袁富華有對手戲，成為佢最後一部作品。

今年2月，江圖最後一次公開露面，出席演藝人協會春茗茶敍，當時同會長古天樂、副會長錢嘉樂等敘舊。三年前佢曾獲頒「傑出演藝大獎」，當時仲話：「我好鍾意做戲，未係老到行唔到，仲可以同觀眾見面。」如今突然離世，令圈中人不勝惋惜。

#香港演员江图去世##香港资深演员江图去世##江图去世# http://t.cn/AXMuZpuo