女神配對計劃2｜求愛勇者直播面試 公主抱阿Bob騷力量 關經翰鞍馬盤旋技驚四座
.
《女神配對計劃2》經過一輪報名後，一批求愛勇者齊集電視城出席面試，由金牌媒人林盛斌（Bob）聯同花生團江美儀、林秀怡及梁敏巧等人甄選，兩位女神何沛珈同俞可程更喺後台偷偷觀望。

呢批求愛勇者年齡介乎19至40歲，年紀最大嘅40歲侯建民曾經喺07年晉身港男五強，現職甜品店老闆，單身年幾嘅佢希望透過節目搵到真愛。亦有兩位上年參加過嘅勇者捲土重來。曾經參加《我推的野男Live》嘅關經翰，除咗喺鏡頭前騷肌，仲做出鞍馬盤旋動作，令人嘩然。同樣吸睛嘅仲有任職跆拳道教練嘅陳竣謙，即場展示拳風威力。而任職健身教練、31歲嘅陳敬慈，就即場示範狂野震波同溫柔按摩一面。

講到真正嘅力量表現，莫過於29歲嘅健身教練劉宏偉，佢抱起美儀姐之後，竟然再接再厲公主抱阿Bob，搞到第一次俾男人咁抱嘅阿Bob嗌到聲都沙埋。初次同求愛勇者見面，Bob同美儀組已經有初步嘅心水人選，而且係同一位，到底係邊位勇士咁高質可以得到佢哋嘅認可？即刻去片睇下啦！
#TVB[超话]# http://t.cn/AX6hltbN