【翻版亚视】英國電台擺烏龍 突播《天佑國王》宣布英王死訊 事後致歉：電腦錯誤
.
現年77歲、正接受癌症治療嘅英王查理斯三世（King Charles III），健康狀況一直備受全球關注。然而，英國知名廣播電台「Radio Caroline」昨日（20日）卻爆出嚴重烏龍，喺節目中途突然中斷正常廣播，向全英聽眾宣布英王死訊，隨後仲播放英國國歌《天佑國王》，令唔少聽眾信以為真。電台事後發表聲明緊急致歉，話係主控室「電腦錯誤」先意外觸發預設嘅王室駕崩緊急程序。

據英媒報道，呢單誤報事件發生喺當地時間20日，電台宣讀英王駕崩消息後，廣播訊號一度陷入長達15分鐘嘅死寂靜默，令英格蘭中部及南部嘅聽眾誤以為王室發生重大變故。電台經理摩爾事後喺社交平台發文澄清，指原本只係作為後備防範用途嘅「君主逝世應變程序（SOP）」喺前一日（19日）下午意外被電腦系統啟動。工作人員發現異常後已即時腰斬相關廣播、恢復正常節目並公開致歉。

電台喺致歉聲明中強調，英王目前健康無恙，並向王室成員及全體聽眾致以最深切嘅歉意。 http://t.cn/AX6wxXa4