公益金｜「千禧女神」李彩華張新悅何嘉莉獻唱 網民：回憶返晒嚟
.
無綫節目《萬眾同心公益金》6月6日播出，除咗一眾TVB藝人落力演出、社會賢達為公益表演之外，後段馬天佑邀請咗三位昔日「女神」李彩華、張新悅同何嘉莉演唱嘅環節，成為全晚焦點。唔少網民都激讚三位「女神」保養得宜，仲話睇到佢哋唱歌，勾起唔少童年回憶。有人一見到張新悅出場，即刻留言提起《撻出愛火花》。

三位「女神」早於千禧年代初已經紅極一時。李彩華（Rain）當年憑《你唔愛我啦》唱到街知巷聞，近年轉戰內地市場都發展得有聲有色。擁有高學歷嘅張新悅（前名張燊悅）當年影視歌三棲發展，同謝霆鋒合作嘅《撻出愛火花》絕對係一代經典，婚後佢已淡出幕前，專心照顧四名千金。何嘉莉係當年英皇力捧嘅偶像小花，代表作《兩種人》至今仍然係唔少80、90後唱K必點金曲，現時佢已成功轉型為時尚KOL兼索爆靚媽。
#TVB[超话]# http://t.cn/AXXn2rO1