《正義女神》劉倬昕演活「高成彬」成魔之路 碩士主修犯罪學：學以致用
.
TVB新生代演員劉倬昕（Justin）近期喺劇集《正義女神》中飾演反派「高成彬」，由純真少年逐步走上成魔之路，演出令觀眾不寒而慄，更被封為「TVB第三個令人覺得好恐怖嘅角色」。佢接受訪問時話，收到角色後做足功課，由內到外準備：「我特登去法庭聽審，搵咗一宗謀殺案去感受成個氛圍，因為我嘅角色會出現喺高等法院。另外我又試過全日用高成彬嘅眼光去睇呢個世界，想進入佢嘅內心。」

劉倬昕拍攝時24歲，要演活一個14歲嘅少年，導演同製作團隊都建議佢用方法演技，佢仲話要多謝前輩陈炜（炜哥）嘅帶領：「偉哥完全冇架子，第一次見佢已經覺得好似媽媽咁，做對手戲好放心。佢會關心我平時嘅生活，所以喺拘留室、監獄同法庭嘅喊戲，我一見到佢就好想喊，覺得好無助，好想佢幫我。」

原來劉倬昕係高材生，已經碩士畢業，主修犯罪學，嚟緊仲會讀教育文憑（PGDE）。佢笑言，之前喺《愛·回家之開心速遞》做軍裝警察，同學見到都話佢「學以致用」：「犯罪學其實真係有幫助，演警察嘅神態都可以做得更似。」佢又話屋企人一向好支持佢追夢：「佢哋知道我好清楚自己想點，我追夢之餘都會做其他嘢，確保自己可以賺到生活。」

私底下劉倬昕好鍾意睇足球，係曼聯球迷，偶像係C朗：「C朗嗰份精神，係要你相信自己係最好，先可以一直Aim high, dream high。」被問到興趣比較「男性化」，佢就話：「我唔覺得性別要俾人定型，每個人都有唔同興趣，唔應該有stereotype。」至於理想型係點、拍拖揀男定女，佢就耍太極：「無可奉告，等公眾自己估吓！」

講到之後想挑戰咩角色，劉倬昕話網民成日叫佢做番啲正氣角色「洗底」，其實佢已經做過好多次軍裝警察同記者，但佢自己就話：「能夠做一個反派係夢想，如果之後再做我都無所謂，古裝都好想試，男女角色都想挑戰吓！」
#TVB[超话]# http://t.cn/AXIwIZtO