我今日買白切雞，專門吩咐佢唔好斬雞髀🍗。
每次睇tvb d古裝戲，d人去d客棧咬雞髀，或者s到臨頭，要斬首前，就有碗雞髀飯比佢吃飽好上路。
雖然意頭唔好，但真系每次睇到，都想大口齒雞髀的感覺。
因為從細，屋企就教你，好的野，要讓比人，唔可以自己吃。於是從細，都覺得，夾雞髀，或者夾魚腩，係無禮貌，係羞恥嘅行為。
久而久之，就對雞髀無左特別的嚮往。
直到有一年，同中基吃飯，佢話：你都鍾意吃魚背脊喔！我話我唔鍾意，我鍾意吃魚腩，但出於禮貌.我覺得要將好的部位讓比其他人。
中基話：但係我鍾意吃魚背脊🤣🤣🤣🤣
再到後來，聽過幾個人講佢哋鍾意吃魚背，因為無魚腩咁腥。
自此我有了新思考，其實可以大膽愛自己多一點，將想吃的，會問人：你要吃嗎？對方唔要，我先夾。
其實對方未必覺得你鍾意的龍蝦係美味的，佢可能更鍾意吃蕃薯。

就比如今晚，我夾雞髀的時候，我同大葵講：拿，我夾雞髀啦！大家咁熟，唔讓啦！
始終都係要講聲，就算對住大葵，我都做唔到理直氣壯一手夾走佢。
其實我地父輩咁教導我地，係啱嘎，不過佢無教：如果你真系好想吃，可以問下其他人吃唔吃。或者翻到屋企，我再買比妳。
咁就唔使從細都養成一種「不配得感」了。

唔係個個都鍾意吃雞髀，所以有的人真系唔想吃，有的人好想吃而唔敢夾。結果讓到成隻碟最後剩翻隻雞髀。但已經飽曬了。

我都搞唔清，到底係我唔鍾意吃雞髀，定我被訓練到，我不配吃雞髀，所以無太大慾望一定要吃雞髀。
但餘生，我要勇敢吃雞髀！！補翻所缺失的。